Sušičko jezero na Durmitoru: Jezero koje čeka proljeće

U kanjonu rijeke Sušice, planinske rijeke koja nastaje ispod vodopada Skakala, nalazi se periodično Sušičko jezero. Sušičko jezero se nalazi na Durmitoru na 1140mnv, okruženo stoljetnim šumama crnog bora i visokim liticama koje se ogledaju u njegovoj vodi.

Hladne i bistre vode istopljenih snijegova, svakog proljeća nanovo grade ovo jezero, jer tokom ljetnih mjeseci samo jezero, kao i rijeka koja ga napaja, potpuno presuše i nestanu, a na mjestu jezera ostane samo travnata livada, za koju slučajni prolaznik nikad ne bi pomislio da je, u stvari, jezero koje čeka novo proljeće.

Snimak napravljen 14.5.2016.

Pogledajte i ovo: Mjesto gdje se Rijeka Reževići uliva u more.