Ljuban visoravan u proljeće (Komovi)

Ljuban je visoravan koja se nalazi u planinskom masivu Komova, sa zelenim livadama, čistim izvorima i cvijećem ljubavi po kojoj je kažu ovo mjesto dobilo ime. Za ovaj kraj vezuju se i lijepe narodne pjesme: “Oj, Ljubane, plemeniti, cvijet jablan tebe kiti. Oj, da mi je sa Ljubana, brati dragom žut jablana. Voljela sam žuti jablan, ko da mi je bio dragan…” ili “Oj, vilice, moja drugarice, Jesi l’ na Kom, na planinu bila? Jesi l’ brala s Ljubana jablana, Jesi l’ pila vode s Margarite, Jesi l’ brala bilja iz Točila, Da izvidaš rane na junaku..?”.

U ovoj oblasti nalaze se brojni katuni, na kojima čobani izgone stoku. Tako je bilo i ove godine, 6.6.2015. kada je napravljena ova lijepa fotografija.